Ертең республика бойынша жел күшейеді
<p style="text-align: justify;">«Қазгидромет» РМК синоптиктері 3 мамырға арналған ауа райы болжамын ұсынды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Синоптиктердің болжауынша, республиканың басым бөлігіне жауын-шашынсыз ауа райы сақталады.
«Қазақстанның батысында, оңтүстік-батысында найзағай ойнап, бұршақ жауады, кей жерлерде қатты жаңбыр жауады, оңтүстік-шығыс пен шығыста жауын-шашын (жаңбыр, қар) болады», деді синоптиктер.
Республика бойынша желдің күшеюі, оңтүстікте, оңтүстік-шығыста, батыста шаңды дауыл, солтүстікте, солтүстік-шығыста тұман күтіледі.
Түнде Алматы облысының таулы аймақтарында, орталықта, Жетісу облысының таулы аймақтарында, солтүстікте, Қостанай облысының оңтүстік-шығысында, Ұлытау облысының шығысында, Жамбыл облысының таулы аймақтарында 1-7 градус аяз күтіледі.
Астанада көшпелі бұлт шығады, жауын-шашынсыз ауа райы сақталады. Шығыстан соғатын желдің екпіні - 3-8 м/с. Ауа температурасы түнде -3-5°С, күндіз +12+14°С.
Алматыда көшпелі бұлт шығады, жауын-шашынсыз ауа райы сақталады. Жел екпіні - 0-5 м/с. Ауа температурасы түнде +3+5°С, күндіз +12+14°С.
Шымкентте де көшпелі бұлт шығады, күн жауын-шашынсыз өтеді. Шығыстан соғатын желдің екпіні - 15-20 м/с, күндіз 23 м/с. Ауа температурасы түнде +10+12°С, күндіз +24+26°С.