Қасым-Жомарт Тоқаев көлік дәліздерін әртараптандыруға қатысты ұсыныс айтты
<p style="text-align: justify;">Мемлекет басшысы ҚХР Төрағасымен жүргізген келіссөз барысында «Бір белдеу – бір жол» бастамасына тоқталды, деп хабарлайды <a href="/" target="_blank" rel="noopener noreferrer">Egemen.kz</a> Ақорда баспасөз қызметіне сілтеме жасап.</p>
«Экономикалық әлеуеттің жүзеге асырылуы көбінесе көлік-транзит саласына байланысты. Бұл жерде Сіздің ауқымы жағынан бірегей «Бір белдеу – бір жол» бастамаңыздың аясындағы табысты ынтымақтастығымызды ерекше атап өткім келеді.
Осы жылдар аралығында «Бір белдеу – бір жол» жобасын бірлесіп жүзеге асыруда елеулі нәтижеге қол жеткізілді», деді Президент.
Бұл ретте Президент көлік-логистика саласына қатысты ұсыныс білдірді.
«Ертең Сиань қаласының құрғақ портында логистика орталығы іргетасының онлайн режимде қалануы біздің көлік-логистика саласындағы байланыстарымыздың тағы бір белесі болмақ. Көлік дәліздерін әртараптандыру аясында Транскаспий халықаралық көлік бағдарының (ТХКБ) әлеуетін белсенді түрде пайдалануды ұсынамын», деді Қасым-Жомарт Тоқаев.