Әлем чемпионын жеңді
<p style="text-align: justify;">Кейінгі жылдары шахматтағы қазақ қыздары әлемдік ареналарда ірі-ірі жеңістерге қол жеткізіп жүр. Жуырда 16 жастағы Алуа Нұрманова әлем чемпионы қытайлық Цзюй Вэньцзюнді жеңіп, «Pro Chess League» турнирінің жеңімпазы атанды.</p>
1 ақпан мен 15 мамыр аралығында ұйымдастырылған жүлде қоры 150 000 АҚШ долларын құрайтын онлайн командалық шахмат турнирінде Алуа Нұрманова халықаралық дәрежедегі гроссмейстерлер – Хикару Накамура (АҚШ), Владимир Федосеев (Ресей) және Шамсиддин Вохидовпен (Өзбекстан) бірге «Gotham Knights» командасында өнер көрсетті.
Отандасымыз жарыс барысында Адхибан Баскаран (Үндістан), Николас Теодору (Грекия), Бенджамин Бок (Нидерланд) секілді гроссмейстерлермен тең ойнап, шешуші бәсекеде қытайлық әлем чемпионын тізе бүктіріп, командасына жеңіс сыйлады. «Pro Chess League» жарысының негізгі кезеңінде әлемнің түкпір-түкпірінен жиналған 16 команда сынға түсті.