«Парламент сөзі» сыйлығына өтінім қабылдау басталды
<p style="text-align: justify;">Мәжіліс Парламенттің заң шығару қызметін үздік насихаттаған журналистерге арналған «Парламент сөзі» сыйлығына үміткерлерден өтінім қабылдауды бастады, деп хабарлайды <a href="/" target="_blank" rel="noopener noreferrer">Egemen.kz</a> Парламент Мәжілісінің баспасөз қызметіне сілтеме жасап.</p>
Бұл сыйлыққа Палатаның заң шығарушылық қызметі жайлы 2022 жылғы қыркүйек пен 2023 жылғы 15 маусым аралығында жарияланған және эфирге шыққан материалдар қабылданады.
Конкурс 7 номинация бойынша өтеді. Олар – үздік телевизиялық сюжет, баспа жарияланым, интернет, радио және фото материал. Сондай-ақ «Парламент сөзі» номинациясы, Парламенттік журналистиканы дамытуға қосқан үлесі үшін номинациясы мен Парламент Мәжілісінің қызметі туралы жасалған арнайы репортаж да атап өтіледі.
Өтінімдерді 2023 жылғы 15 маусымға дейін smimazh@parlam.kz электрондық поштасына жіберу қажет. Жеңімпаздарды Мәжіліс депутаттарынан құралған арнайы комиссия анықтайды. Қорытынды БАҚ қызметкерлері күні қарсаңында шығарылады.
Қосымша ақпаратты Мәжілістің parlam.kz ресми сайтынан немесе 74-63-03, 74-63-01, 74-63-05 байланыс телефондары арқылы білуге болады.