Жүгіріп жүріп қоқыс жинады
<p style="text-align: justify;">Әдетте еңбекқор, тынымсыз адамның атқарған жұмысын бағалағанда, «жүгіріп жүріп қызмет етті» деп сипаттап жатамыз ғой. Осы сипатты тура мағынасында экологиялық іс-шараға қатысты да қолдануға болады екен. Мұның бір көрінісі – мектеп бітіруші түлектердің айналаның тазалығына тигізген қолғабысы.</p>
Сенбі күні облыстық білім басқармасы «Түлектерден – табиғатқа!» деп аталатын плоггинг ұйымдастырды. Плоггинг «жүгіріп жүріп қоқыс жинау» деген мағына береді. Швед энтузиасі Эрик Альстрем 2016 жылы негізін қалаған жеңіл-желпі, көтеруге жарайтын, салмақ түсірмейтін қоқысты тазарту мақсатын көздейтін экологиялық іс-шара жылдан-жылға біздің елімізде де танымал болып келеді.
Плоггингке облыс бойынша мұғалімдер, ата-аналарымен бірге биылғы мектеп бітіруші 1 420 түлек қатысты. Олар плоггингті «Біз табиғатты қорғаймыз!» ұранымен өткізді.
Ұлытау облысы