Абай облысындағы өрт: тағы 11 адамның мәйіті табылды
<p style="text-align: justify;">Абай облысындағы өртті сөндіру жедел штабының мәліметінше, іздеу жұмыстары барысында тағы 11 адамның мәйіті табылды. Қазір қаза тапқандардың жеке басы анықталып жатыр, деп хабарлайды <a href="/" target="_blank" rel="noopener noreferrer">Egemen.kz</a> ТЖМ телеграм каналына сілтеме жасап. </p>
Естеріңізге сала кетейік, бұған дейін жоғалған Орман шаруашылығы үш қызметкерінің мәйіті табылған болатын. Осылайша, қаза тапқандар саны 14-ке жетті.
Өртті сөндіруге ТЖМ, Орман шаруашылығы комитетінен, ЖАО және Қорғаныс министрлігінен 1000-нан астам адам, шамамен 237 техника жұмылдырылған.
11 тікұшақ тартылды. Таңғы сағат 6.00-ден бастап өрт ошақтарына әуеден 164 рет жалпы көлемі 410 тонна су төгілді.
Өртті сөндіру жұмыстары басталғалы бері 263 рет жалпы көлемі 590 тонна су төгілді.