Ақ халаттыларға алғыс

Салтанатты іс-шарада облыс әкі­мі денсаулық сақтау сала­­сын да­­­мыту, медициналық инфра­­құ­ры­­­лым­ды жақсарту, меди­ци­налық қыз­­мет­тердің сапасы мен қол­жетім­ді­лігін арттыру бойын­ша өңірде жүр­­гізіліп жатқан жұмыс­тарға кеңі­нен тоқталды.

Бейбіт Исабаевтың айтуынша, биылдан бастап лауазымдық жала­­қы­ға түзету коэффициенттерін белгі­леу арқылы медицина қызметкерлері­нің жалақысын көтерудің бірың­­ғай тәсілдері әзірленді. Соның ар­қа­сында дәрігерлердің жала­қы­сы ауыл­дық жерлерде орта есеп­пен 511 мың теңгеден, ал орта мед­қыз­мет­керлердің жалақысы 291 мың тең­ге­ден, ал қалаларда тиісінше 504 мың мен 268 мың теңгеден асты.

Адамның денсау­лығы мен өмірі – қоғамда ең бас­ты құндылық, ұлт саулығы – баға жетпес байлық. Сіз­дерді денсау­лық сақшысы, күн сайын ерен ерлік жасайтын бей­біт күннің батырлары деп білеміз. Жұмыстарыңызға жай ғана міндет деп қарамай, халыққа жылы сөз­бен, жүрек мейірімімен, жа­на­шыр­­­лық­пен қызмет етіп келесіздер. Сон­­­дық­тан сіздердің Гиппократ ан­тына, адамгершілік мұраттарына адал, ізгі еңбектеріңіз қандай құр­мет­ке де лайық», деді Б.Исабаев.

Құттықтау сөзден кейін, облыс бас­шысы бірқатар медицина ма­ман­дарын Құр­мет грамоталарымен, Алғыс хат­­тарымен марапатта­ды, сондай-ақ 14 аталым бойын­ша үздік­тер анық­тал­ды.

«Стационардың үздік дәрігері» аталымы бойынша облыстық көп­салалы балалар ауруханасы­ның анес­­тезиоло­гия-реанимация бө­лім­ше­сінің меңгеру­шісі Бек Бегім­бетов, ал «емхананың үз­дік дәрігері»  аталы­мында Панфилов ауда­нының көп­салалы ауруханасының жалпы прак­тика дәрігері Анар Рақымбек же­ңімпаз атанды. Талдықорған қа­ла­лық ауруханасы – «Үздік меди­ци­налық мекеме», Көксу ауданы­ның Көксу стансасы – «Үздік дәрігер­лік амбулатория», Қаратал ауданы­ның Үшкөмей ауылының медицина­лық пункті «Үздік меди­циналық пункт» болып танылды. Бірқатар маман «Үз­дік фельдшер», «Үздік эпиде­мио­лог», «Үздік стационарлық медбике», «Емхананың үздік медби­ке­­сі», т.б. аталымдарда жеңімпаз атан­ды. Олардың әрқайсысына 500 мың­­нан 5 млн теңгеге дейін ақшалай сер­тификаттар табысталды.

Сонымен қатар Панфилов, Ала­көл, Кербұлақ, Ақсу және Көксу аудан­да­ры­ның 5 медициналық меке­ме­сі жаңа жедел жәрдем көліктерінің кілт­терін алды.

Облыс әкімі баспасөз қыз­метінің мәліметінше, бүгінде облыс­та 361 ден­саулық сақтау мекемесі жұмыс істейді. Оларда 10 мыңға жуық меди­цина қыз­меткері бар. Мемлекет басшысының тап­сыр­ма­сына сәйкес биылдан бас­тап «Ауылдық денсаулық сақтауды жаң­ғырту» ұлттық жобасы қолға алын­ды. 2023-2025 жылдары ұлттық жоба аясында және жергілікті бюджет қаражаты есебі­нен 17 млрд теңгеге 116 медицина­лық нысан салына­ды. Бұл медицина­лық инфрақұры­лымды кешенді түр­де жақсартуға ықпал етеді.

Денсаулық сақтауды қаржы­лан­дыру көлемі жылдан-жылға ұлға­йып келеді. Тек биылдың өзін­де осы салаға бюджеттен 89,0 млрд тең­­ге бөлінді. Соның ішінде мате­риал­дық-техникалық база­ны жақ­сар­­ту мақсатында биыл жергілік­ті бюд­жет қаражатынан 253 бірлік ме­ди­­ци­налық техника мен 29 бірлік сани­­тарлық автокөлік сатып алуға 4,4 млрд тең­ге қарастырылып отыр. Осы жылы өңірдің 24 елді меке­нінде, негізінен ауылдық жерлерде жалпы сомасы 1,3 млрд теңге­ге 27 блокты-модульді кешен орна­ту жос­парланған. Сондай-ақ тағы 6 ны­сан­­ның құрылысына 2 млрд теңге бөлінген.

Жетісу облысы