Алматы тұрғыны полиция көлігінде өзіне қол салды

<p style="text-align: justify;">Алматыда танысының көлігін ұрлаған күдікті ұсталды. Алайда ұсталған ер адам жедел уәкілдердің қызметтік көлігінде өзіне қол салды, деп хабарлайды <a href="/" target="_blank" rel="noopener noreferrer">Egemen.kz</a><a href="https://elorda.info/"> Elorda.info-ға </a>сілтеме жасап.</p>

Алматы қалалық Полиция департаментінің баспасөз қызметі бұл ақпаратты растады.

Оқиға Алматының Жетісу ауданында болды. Ер адам тергеу тобының көлігінде өз-өзіне қол жұмсаған.

«Қайтыс болған 43 жастағы И. есімді азамат танысының «Тойота» автокөлігін ұрлады деген күдікпен ұсталған. Сараптама қорытындысына сәйкес, марқұм мас күйде болған. Оқиғаның мән-жайы анықталып жатыр», деп хабарлады ПД баспасөз қызметі.