Жетісу облысында ірі көлемдегі заңсыз темекі өнімдері тәркіленді
<p style="text-align: justify;">Жетісу облысында жалпы құны 7 млн теңгеден асатын бақылау белгілері жоқ темекі өнімдері тәркіленді. Ұсталған азаматқа қатысты сотқа дейінгі тергеп-тексеруді ҚМА Жетісу облысы бойынша департаменті жүргізіп жатыр, деп хабарлайды <a href="/" target="_blank" rel="noopener noreferrer">Egemen.kz</a> Қаржылық мониторинг агенттігіне сілтеме жасап. </p>
Жүк көлігін тексеру барысында жалпы құны 7 млн теңгеден асатын 10 мыңнан астам қорапты құрайтын тіркеу және бақылау белгілері жоқ темекі өнімдері табылып, тәркіленді.
Қазіргі уақытта темекінің шығу тегі анықталып жатыр. Сотқа дейінгі тергеу жалғасуда.
ҚР ҚПК 201-бабына сәйкес, тергеу мүддесін көздейтін өзге мәліметтер жарияланбайды.
ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі.