Президент: Астана – еліміздің жүрегі
<p class="p1" style="text-align: justify;"><span class="s1">Мемлекет басшысы </span><span class="s2">Қасым-Жомарт Тоқаев </span><span class="s1">Астана әлемге бірлік пен берекенің бесігі ретінде танылғанын атап өтті. Бұл туралы Президент</span><span class="s2"> Астананың 25 жылдық мерейтойына арналған бауырлас қалалар форумында айтты,</span><span class="s1"> деп хабарлайды <a href="/" target="_blank" rel="noopener noreferrer">Egemen.kz</a>.</span></p>
«Астана – діннің басын қосқан, дінбасылардың дәстүрін тоғыстырған шаһар. Бұдан бөлек, елорда төрінде талай мәрте дүбірлі додалар мен халықаралық сайыстар өтті. Бір сөзбен айтқанда, Астананы бірлік пен берекенің бесігі деуге толық негіз бар», деді ел Президенті.
Осы тұста Мемлекет басшысы елордада ең маңызды шешімдер қабылданып жатқанын еске салды.
«Қазір Астанада Алматы, Ақмешіт, Орынбор, Түркістан, Сауран, Сығанақ, Сарайшық көшелері бар. Бұл – елдік пен мемлекеттілік тарихының нақты көрінісі. Астана – еліміздің жүрегі. Бұл қалада ең маңызды шешімдер қабылданып жатыр. Келешекте де лайым солай болмақ», деді Қасым-Жомарт Кемелұлы.
