Жапонияда зымыран тасығыш жарылды
<p style="text-align: justify;">Жапондық аэроғарыштық зерттеулер агенттігі (JAXA) әзірлеген жапондық «Epsilon S» зымыран тасығышы бүгін сынақ кезінде жарылып кетті, деп хабарлайды <a href="/" target="_blank" rel="noopener noreferrer">Egemen.kz</a> <a href="https://english.kyodonews.net/news/2023/07/ddbdbcf86427-japanese-space-agencys-epsilon-small-rocket-engine-explodes-in-test.html" target="_blank" rel="nofollow noopener noreferrer">Kyodo </a>сайтына сілтеме жасап.</p>
Зымыран тасығыш іске қосылып, көкке көтеріле бастаған сәтте жарылған.
Мәлім болғандай, аталған сынақты өткізген «Noshiro Testing Center» қызметкерлерінің ешқайсысы зардап шекпеген.
«Epsilon S» - бұл JAXA әзірлеген ғарыш-спутниктік «Epsilon» зымыранының жетілдірілген нұсқасы.
Осы типтегі алғашқы ракета 2013 жылы ұшырылған еді. Былтыр көкке көтерілген «Epsilon-6» жоспарланған траекториядан ауытқып, кейін ол жасанды жарылыс арқылы жойылған.
Жапонияның аэроғарыштық зерттеулер агенттігі «Epsilon S» зымыранын ұшыруды келер жылға шегерді. Өйткені онда да Epsilon-6 сияқты жанармай багы қолданылады.
Негізінен «Epsilon» сериялы зымырандары қатты отынды пайдаланады. Сондықтан оның сұйық отынмен жұмыс істейтін ракеталарға қарағанда ұшуға дайындалу процесі күрделі емес.