Шымкентте қала әкімдігінің алдында орналасқан субұрқаққа бала батып кетті
<p style="text-align: justify;">Шымкентте 10 жасар бала қала әкімдігінің алдында орналасқан субұрқаққа батып кетті, деп хабарлайды <a href="/" target="_blank" rel="noopener noreferrer">Egemen.kz</a> Polisia.kz сайтына сілтеме жасап.</p>
Қайғылы оқиға 24 шілде күні сағат 19:14-те болған. Қаратау аудандық унитарлық кәсіпорнының 102 пультіне қалалық әкімдік ғимаратының алдындағы субұрқақта бала қайтыс болды деген хабарлама келіп түскен.
Оқиға орнына жеткен жедел-тергеу тобы 10 жасар жасөспірімнің абайсызда суға түсу кезінде суға батып кеткенін анықтады. Тексеру кезінде баланың денесінде көзге көрінетін жарақаттар табылмады.
Кәмелетке толмаған баланың өлім фактісі ІІБ ТЖД-да тіркелді.
Барлық қажетті сараптамалар тағайындалды, оның қорытындысы бойынша процессуалдық шешім қабылданады.