Ұлттық құраманың тізгінін ұстады
<p style="text-align: justify;">Отандық футбол жаттықтырушысы Мадияр Кембілов Қазақстан әйелдер құ­ра­­масының бас бапкері болып та­ғайын­далды. Бұл туралы Қазақстан фут­бол федерациясының баспасөз қыз­меті мәлімдеді.</p>
52 жастағы Мадияр Кембілов бапкерлік мансабын 2005 жылы бастаған. Әр жылдары ол «Ордабасы U-16», «Академия Оңтүстік», «Тұран Ж», «Яссы» сияқты клубтарда жаттықтырушы қызметін атқарған. Қазіргі таңда ол «БИІК-Шымкент» қыздар командасының бас бапкері болып жұмыс істейді. Ал бұған дейін еліміздің әйелдер құрамасын ресейлік маман Александр Семенов жаттықтырып келген еді.
Қазақстан әйелдер құрамасы биыл УЕФА Ұлттар лигасына қатысады. Жеребе қорытындысы бойынша біздің команда С лигасының төртінші тобында Израиль, Эстония және Армения құрамаларымен ойнайды. Топтық кезеңнің матчтары осы жылдың 20 қыркүйегінде басталып, 2023 жылдың 5 желтоқсанына дейін жалғасады.