Құтқарушылар екі баланы құтқарды
<p style="text-align: justify;">Алматы облысы ТЖД кезекші бөліміне Есік өзенінде су деңгейінің көтерілуі салдарынан Еңбекшіқазақ ауданының Рахат ауылдық округінде саяжай маңындағы аралда 2011, 2012 жылғы екі баланың қалып қойғаны туралы хабарлама келіп түсті, деп хабарлайды <a href="/" target="_blank" rel="noopener noreferrer">Egemen.kz</a>.</p>
Облыстық ТЖ департаментінің қызметкерлері бірден оқиға орнына жіберілген.
«Құтқарушылар тобы серуенге шығып, үйлеріне өз бетінше орала алмаған баланың бірін өрт сөндіруші-құтқарушы Руслан Алпысбаев, екіншісін №3 өрт сөндіру бөлімінің жүргізушісі Бағжан Оразымбетов көтеріп алып шықты. Балаларға медициналық көмек қажет болмады», делінген облыстық ТЖД мәліметінде.
Алматы облысы ТЖД кәмелетке толмаған балаларды қараусыз қалдырмауларыңызды сұрайды.