Жас өнертапқыштар жылыжайды автоматтандыру әдісін ұсынды
<p style="text-align: justify;">Абай облысында 10-11 сынып оқушылары жылыжайды автоматтандыру әдісін ұсынды. Жас өнертапқыштар заманауи технологияны пайдалана отырып, жылыжайдағы ауа температурасын бақылауды және топырақты қажеттілігіне қарай суаруды автоматтандырудың жолын тапқан, деп хабарлайды <a href="/" target="_blank" rel="noopener noreferrer">Egemen.kz</a>.</p>
Оқушылар ұсынған жоба жылыжайда өсірілетін көкөніс пен жеміс-жидекті суару технологиясын жеңілдетеді. Жас өнертапқыштардың сөзінше, бұл шаруаларға су мен электр энергиясын үнемдеуге, оған қоса, кез-келген төрт мезгілде де ауаның қолайсыздығына қарамастан, жақсы өнім алуға мүмкіндік береді екен.
Аймақта жаз мезгілінің қысқа болуы және ауа температурасының салқын болуы жас өнертапқыштардың аталған технологиялық тәсілді ойлап табуына себеп болған. 