Берері мол білім ошақтары

Жаңа форматтағы оқу орын­дары екі ауысымда 90 мың­ға жуық оқушыға арналған орын ашуға мүмкіндік береді. Мәсе­лен, 24 мектептің 15-і қарқынды дамып келе жатқан Нұра мен Есіл аудандарында орналасады. Сондай-ақ қаланың елді мекендерінде де жайлы мектептер бой көтереді.

Қазіргі уақытта 15 жайлы мектептің құрылысы басталып жатыр. Осы орайда Астана әкімі Жеңіс Қасымбек пен Samruk-Kazyna Construction басқарма төрағасы Мәулен Айманбетов мектептердің жобаларымен, құ­рылыс жұмысының дайын­дық барысымен танысты. Қа­зіргі уақытта жер учаскелерін да­йындау бойынша жұмыс жүріп жатыр. Яғни қоршаулар тұрғызу, инженерлік-геологиялық із­дес­ті­ру, қадаларды бітеу, қ­ұ­ры­лыс техникасын жұмылдыру, т.б. жұмыстар.

Сонымен қатар Ж.Қасымбек өзге де бірқатар мемлекеттік мектептің құрылысымен таныс­ты. Бұл қатарда Тұран даңғылы мен №24 көшенің, Қарасай батыр мен Бұланты, Көксеңгір көшелерінің қиылысындағы мек­­тептер, сондай-ақ қазіргі №17, №27 мектептердің жа­нындағы жаңа ғимараттар бар. Қазіргі уақытта 14 мектептің құ­рылысы жүріп жатыр, оның 11-і жаңа оқу жылы ішінде ашылады. Мектептердің құрылы­сы жаңа аудандарда да, қаланың оң жа­ғалауында да, елді мекен­дерде де жүргізілу үстінде. Олардың бір бөлігі апатты жағ­дайдағы мектептерді алмас­ты­рады.

Бұған қоса елордада 67 642 баланы қамтитын 505 мем­лекеттік, жеке және ве­дом­ст­волық мектепке дейінгі ұйым­дар жұмыс іс­тейтінін атап өт­кен жөн. Бұл ретте қалалық Бі­лім басқармасының басшы­сы Қа­сымхан Сенғазыев балабақ­ша­лардағы орындардың саны туралы мәліметтерді алға тартты.

Оның айтуынша, бүгінгі таң­да «Индиго» электронды порталында кезекке 60 971 мектеп жасына дейінгі бала тіркелген, оның ішінде екі жастан алты жасқа дейінгі балалар саны – 41 818.

Сондай-ақ мемлекеттік білім беру тапсырысын жеке бала­бақшаларда орналастыруға 10 317 орын қарастырылған. Оның ішінде қаңтардан сәуірге дейін мем­лекеттік тапсырыс 8 957 орындық 200 жекеменшік мектепке дейінгі ұйымда орналастырылды. Биыл қыркүйек айында қалған 1 360 орынға конкурс өткізу жоспарланған.

«Биыл жұмыс істеп тұрған 500 орындық мектепке дейінгі ұйымның жанынан тұрғын үй кешендерінің бірінші қабат­та­рында қосымша корпустар ашу жоспарланып отыр. 2023 жылы 17 тамыздан бастап Астана қа­ласының мектепке дейінгі ұйым­дарының топтарын жаңа 2023-2024 оқу жылына жасақтау аяқ­талады. Бұдан әрі оқу жылы ішін­де күн сайын жасақтау орындарды босату ке­зінде жүзеге асырылады», деді Қ.Сенғазыев.

«Индиго» порталының мәлі­ме­тінше, астаналықтар балабақ­шаға 22 190 жолдама алды, оның 13 157-сі – мемлекеттік.

Қыркүйек айынан бастап ха­лық­тың әлеуметтік осал топ­тары­нан шыққан балалар Аста­на­ның балабақшаларында тегін тамақ­пен қамтамасыз етіледі. Соны­мен қатар жаңа оқу жылының ба­сында мектепке дейінгі ме­ке­мелер­ тәрбиешілерінің жалақы­сы ­30%-ға өседі.