Президент Әкімшілігінің құрылымы қайта құрылды

<p style="text-align: justify;">Мемлекет басшысы Қазақстан Республикасы Президенті Әкімшілігінің құрылымын қайта құру туралы Жарлыққа қол қойды, деп хабарлайды <a href="/" target="_blank" rel="noopener noreferrer">Egemen.kz</a> Ақорда баспасөз қызметіне сілтеме жасап.</p>

Құжатқа сәйкес Президент Әкімшілігінің жаңартылған құрылымына келесі лауазым иелері кіреді:

Президент Әкімшілігінің Басшысы;
Қауіпсіздік Кеңесінің хатшысы;
Президент Кеңсесінің Бастығы;
Президенттің көмекшілері;
Президенттің кеңесшілері;
Президент Әкімшілігінің бөлімдері.

Сондай-ақ Жарлыққа сәйкес:

ішкі саясат және коммуникациялар мәселелері бойынша;
экономикалық мәселелер бойынша;
халықаралық мәселелер бойынша;
құқықтық мәселелер бойынша;
ғылым және инновация мәселелері бойынша Президенттің көмекшілері лауазымдары енгізіледі.

Хабарланғандай, Президент Әкімшілігі Басшысының орынбасарлары лауазымдары жойылады. Оған қоса Президент Әкімшілігінің төрт бөлімі қысқарды.