Абай облысында 10 760 бүлдіршін мектеп табалдырығынан аттады
<p style="text-align: justify;">Биылғы 2023-2024 жылғы оқу жылында Абай облысы бойынша 10 760 бүлдіршін 1-сынып табалдырығынан аттады, деп хабарлайды <a href="https://egemen.kz/">Egemen.kz</a> Абай облыстық білім басқармасының мәліметіне сілтеме жасап.</p>
Соның ішінде 7 548 (70%) бала қазақ сыныптарына қабылданса, орыс тілді сыныптарға 3 212 (30%) бала тілек білдірген.
Облыс орталығы Семей қаласы бойынша айтар болсақ, бүгінгі күні 1-сыныпқа қабылданған оқушылар саны 5 565 болса, оның 3 417-і қазақ сыныптарына, 2 148-і орыс сыныптарына барғаны белгілі болып отыр.
Сараптап айтар болсақ, 2022-2023 оқу жылында 10 611 бала 1 сыныпқа қабылданған еді. Соның ішінде 7 251 бала қазақ сыныбын таңдаса, орыс тілді сыныпқа 3 360 бала барған.
Демек, өңірде қазақ сыныбына баратын бала саны артып келеді деуге әбден болады.