Орманда жоғалған 83 жастағы әже табылды
<p style="text-align: justify;">Шығыс Қазақстан облысының орман алқабында немерелерімен бірге саңырауқұлақ теруге барған 83 жастағы әже хабар-ошарсыз кеткен еді, деп хабарлайды <a href="/" target="_blank" rel="noopener noreferrer">Egemen.kz</a> ШҚО Полиция департаментінің баспасөз қызметіне сілтеме жасап.</p>
Самар аудандық полиция бөліміне қыз бала хабарласып, 83 жастағы әжесінен орманда жүріп көз жазып қалғанын айтқан. Туыстарына ілесіп, орманға саңырауқұлақ теруге барған әжей әп-сәтте көзден тасаланып, адасып кеткен. Өздері іздеп таппаған соң туыстары полициядан жәрдем сұрады.
«Тәртіп сақшылары іс-қимыл жоспарын құрып, орман алқабында іздестіру жұмыстарына кірісті. Соның нәтижесінде, бір сағат ішінде зейнеткер аман-есен табылды. Немересі әжесін тапқан полицейлерге шын жүректен алғыс білдірді», деді облыстық Полиция департаментінің қызметкерлері.