Қазақстанда күн күрт ысиды. Синоптиктер алдағы үш күнге болжам жасады
<p style="text-align: justify;">Синоптиктер 7-9 қыркүйекке арналған ауа райы болжамын жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Қазгидромет» мәліметінше алдағы күндері республиканың көп бөлігінде найзағай ойнайды, екпінді жел, жаңбыр күтіледі. 8-9 қыркүйекте солтүстік-батыста, 9 қыркүйекте елдің солтүстігінде қатты жаңбыр жауады. Қазақстанның оңтүстік-шығысындағы таулы аудандарда түнде қар аралас жаңбыр жаууы мүмкін.
«Еліміздің солтүстігінде, шығысында, орталығында күндіз ауа температурасы біртіндеп 18-25 жылыға дейін көтеріледі. Ал Қазақстанның батысында, солтүстік-батысында 13-23 жылы болады, елдің оңтүстігінде, оңтүстік-шығысында 22-30 градус жылы ауа райы сақталады», делінген хабарламада.