Испаниядағы турнирде Қазақстан теннисшілері өзара кездеседі

<p style="text-align: justify;">Қазақстан сапынан өнер көрсететін Тимофей Скатов пен Михаил Кукушкин Севилья челленджер турнирінің екінші айналымында өзара кездеседі, деп жазады <a href="/" target="_blank" rel="noopener noreferrer">Egemen.kz</a> Қазақстан теннис федерациясына сілтеме жасап.</p>

Әлемнің 129-ыншы, аталған жарыстың 6-ракеткасы Тимофей Скатов бастапқы кездесуінде дүниежүзілік рейтингте 269-орында тұрған Польша өкілі Даниэль Михальскиден 6:1, 5:7, 6:3 есебімен басым түсті.

Әлемнің 242-ракеткасы Михаил Кукушкин рейтингте 741-сатыдағы испаниялық, 21 жастағы Диего Аугусто Баррето Санчеспен ойын алаңына шығып, қарсыласын 6:4, 6:4 есебімен тізе бүктірген еді.