Үйлестіру кеңесінің кезекті отырысы
<p style="text-align: justify;">Премьер-министр Әлихан Сма­йылов Үкіметтің халық­аралық қар­жы ұйымдарымен ынты­мақтас­ты­ғы жөніндегі үйлестіру кеңесінің кезек­ті отырысын өткізді.</p>
Іс-шараға Дүниежүзілік банк, Еуропалық қайта құру және даму банкінің өкілдері, орталық мемлекеттік органдар, «Атамекен» ҰКП, «Қазақстан теміржолы» ұлттық компаниясы және «Самұрық-Қазына» ұлттық әл-ауқат қорының басшылары қатысты.
Отырыста Алматы, Жамбыл, Қызылорда және Түркістан облыстарында жалпы ауданы 105 мың гектардан асатын ирригациялық және дренаждық жүйелерді салу мен реконструкциялау, сондай-ақ 1 500 ауылдық елді мекенді жылдам интернетке қосудың өзекті мәселелері талқыланды. Бұл шамамен 200 мың үй шаруашылығын немесе 1 млн-нан аса адамды қамтиды.
Сонымен қатар өңірдің көлік байланысын жақсартуға, логистикалық қызметтер мен сауда-саттықты дамытуды ынталандыруға мүмкіндік беретін «Қарағанды – Жезқазған» автожолын реконструкциялау, сондай-ақ Ақтөбе қаласында жаңа кәріз-тазарту ғимараттарын салу жоспарлары қаралды.
Одан бөлек, қатысушылар бірқатар теміржолды жаңғырту, жаңа жолаушылар вагондары мен электровоздарды сатып алу мәселелерін талқылады.
Отырыс қорытындысы бойынша Премьер-министр мемлекеттік органдардың бірінші басшыларына халықаралық қаржы ұйымдарынан тартылатын қаражаттың уақтылы және тиімді пайдаланылуына бақылауды күшейтуді тапсырды.