Жұмыс жәрмеңкесі
<p style="text-align: justify;">Бір адам жұмыс тапса да олжа. Жезқазғанда өткізілген жұмыс жәрмеңкесі осындай мақсатты көздеді. Қала әкімдігі мен «Мансап» орталығы бірлесіп, ашық аспан астында ұйымдастырған жәрмеңкеге жұмыс берушілер де, іздеушілер де қызығушылық танытты.</p>
Жәрмеңкеде қаладағы 24 мекеме 360-қа жуық жұмыс орнын ұсынды. Әрине, әркімнің өз таңдауы бар. Ұсынылған жұмыс көптің көңілінен шыға бермейтіні де рас. Жәрмеңке қорытындысында 19 адам тұрақты жұмыс орнын тапты. 12 адам жұмыссыздық жағдайы бойынша тіркеуге алынды. 15 адам жұмыс орындарына барып, нақты танысуға ниет білдірді.
– Ауа райының қолайлы сәтін пайдаланып, жәрмеңкені ашық алаңда өткізгеніміз дұрыс болыпты. Қызығушылық танытқандар көп. Бір жағы көпшілік ән-күй тыңдап, көңілін көтеріп, бір серпіліп қалды. Мұндай жобаны алдағы уақытта одан әрі жалғастырамыз, – дейді Жезқазған қаласы әкімінің орынбасары Бақытжан Жайлаубаев.
Жәрмеңке барысында жұмыс тауып, алғаш еңбек жолын бастайтын жастарға еңбек кітапшалары салтанатты түрде табысталып, естелік сыйлықтар тапсырылды.
Ұлытау облысы,
Жезқазған қаласы