«Барыстың» алғашқы жеңісі
<p style="text-align: justify;">Құрлықтық хоккей лигасының (ҚХЛ) биылғы маусымы басталғалы бері Ас­та­наның «Барысы» қатарынан бес бә­­секеде жеңіліс тауып, өз жан­күйер­лерін жерге қаратқан еді.</p>
Алтыншы кездесуді жерлестеріміз Владивостоктың «Адмиралына» қарсы өткізді. «Барыс Аренадағы» бәсекеде есепті 6 минутта Жозеф Лабейт ашты – 1:0. Арада10 минут өткеннен соң қонақтар таразы басын теңестірді – 1:1. Үзілістен кейін Павел Шэн Қиыр Шығыстан келген команданы алға шығарды – 1:2. Көзді ашып-жұмғанша Джереми Бракко нысананы дәл көздеді – 2:2. Үшінші кезең басталған бетте «Адмирал» қайта алға шықты – 2:3. Бірақ «Барыстың» ойыншылары еш сасқан жоқ. 43 және 54-минуттарда Роман Старченко қатарынан екі мәрте мергендік танытып, елордалық клубқа жеңіс сыйлады – 4:3. Бұл – «Барыстың» чемпионаттағы алғашқы жеңісі.
Қазіргі кезде «Барыс» бес ұпайды еншілеп, түрақты біріншіліктің жарыс кестесінде 18-орынды қанағат тұтуда. Бүгін жерлестеріміз өз алаңында Нижнекамскінің «Нефтехимигін» қабылдайды.