Петропавлда өртенген үйден үш адамның мәйіті табылды

<p style="text-align: justify;">Солтүстік Қазақстан облысы Төтенше жағдайлар департаментінің мәліметінше, 25 қыркүйекте сағат 21:35-те Петропавлда Волочаевская көшесі, 113 мекенжайы бойынша өрт сөндірушілерге хабар түскен, деп жазады <a href="/" target="_blank" rel="noopener noreferrer">Egemen.kz</a>.</p>

Оқиға орнына өрт сөндірушілер бес минутта жеткен. Өртенген ағаш үйден 20-дағы бойжеткен мен 5 және 1 жастағы балалардың мәйіті табылған.

19 шаршы метр аумақты шарпыған өртті сөндіруге 15 адам мен 3 техника жұмылдырылған.

Оқиға орнына облыс әкімі Ғауез Нұрмұхамбетов, СҚО ТЖД бастығы Ерік Сарыбаев, СҚО ПД бастығы Айдын Қабдұлдинов барды.

Қаза тапқандардың отбасына жәрдем жасалады. Өрттің шығу себебін мамандар анықтап жатыр.