Финляндияға жолдама
<p style="text-align: justify;">Алматы қаласындағы химия-биология бағытындағы NIS мұғалімдері Шолпан Әбішева мен Айжан Омарха­нова Pro.NRG 2023 жаһандық фестивалінің «Science on Stage Kazakhstan» ұлттық ірік­теу турнирінің жеңімпазы атанды.</p>
Педагогтер мен ғалымдардың басын біріктіретін дәстүрлі халықаралық ғылыми форум биыл «STEM – білім берудің тұрақты дамуы» тақырыбында өтті.
Еуропаның жаратылыстану саласындағы тәжірибелі профессорлары Майкл Грегори (Франция), Гордон Кеннеди (Италия), Наско Стаменов (Болгария), Пол Ландманнан (Испания) төрелік еткен байқауда еліміздің түкпір-түкпірінен ұсынылған 50 үздік жоба талқыға түсті. Нәтижесінде, сарапшылар жеті жобаны таңдап алды. Жеңімпаз ұстаздар келесі жылдың жазында Финляндияда өтетін еуропалық «Science on Stage-2024» 13-фестивалінде елдің намысын қорғайды.
«Science on Stage» фестиваліне Еуропаның 30-дан астам елінен ұлттық байқаулардың жеңімпаздары қатысады. Кәсіби алаңда әлемнің 500-ге жуық мектеп мұғалімдері стендтерде, семинарларда және сессияларда ең креативті STEM идеяларымен бөлісетін болады.
АЛМАТЫ