Сенаторлар ақпарат алмасу туралы халықаралық келісімді талқылады
<p style="text-align: justify;">Сенаттың Конституциялық заңнама, сот жүйесі және құқық қорғау органдары комитетінің депутаттары «Қазақстан Республикасының Үкіметі мен Қытай Халық Республикасының Үкіметі арасындағы Тараптар мемлекеттерінің азаматтарына қатысты ақпарат алмасу туралы келісімді ратификациялау туралы» заңды талқылады, деп хабарлайды <a href="/" target="_blank" rel="noopener noreferrer">Egemen.kz</a> жоғарғы палатаның баспасөз қызметіне сілтеме жасап.</p>
Заңның мақсаты - мемлекеттердің көші-қон саласында ақпарат алмасу туралы өзара іс-қимылын қамтамасыз ету.
Атап айтқанда, құжатта тараптардың келген азаматтар, берілген визалар, келу және болу ережелерін бұзу, азаматтыққа қабылданған адамдар туралы ақпарат алмасу көзделген. Заңның қабылдануы Қазақстан мен Қытайдың көші-қон және қос азаматтыққа қарсы іс-қимыл саласындағы құзыретті органдары арасындағы ынтымақтастықтың құқықтық негізін қалыптастыруға мүмкіндік береді.
Комитет мүшелері талқылауды қорытындылап, заң жобасын палатаның отырысында қарау жөнінде шешім шығарды.