Қазан айында Қазақстан халқы қанша күн демалады?

<p style="text-align: justify;">Биыл қазақстандықтар 25 қазан күні Республика күнін тойлайды. Айтулы мереке сәрсенбіге сәйкес келіп тұр, тиісінше сол күні демалыс деп жарияланды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Республика күні өткен жылы мерекелер тізіміне қайта енгізіліп, ұлттық мейрам дәрежесі берілген еді.

Қазан айындағы барлық жұмыс және демалыс күндері:

бес күндік жұмыс аптасында - 23, 24 қазан жұмыс күні, 25 қазан демалыс, 26, 27 қазан жұмыс күні;
алты күндік жұмыс аптасында - 23, 24 қазан жұмыс күндері, 25 қазан демалыс, 26, 27, 28 қазан жұмыс күндері.

Сонымен қазан айында қазақстандықтар барлығы 10 күн демалады. Күнтізбеге сәйкес 9 күн демалыс және 1 күн мереке.

Айта кетейік, 1 қазан елімізде Халықаралық қарттар күні және Радио қызметкерлері күні, ал 5 қазан Ұстаздар күні болып бекітілген еді. Алайда, бұл мереке күндерінде демалыс жарияланбайды.