Еламан Қойшыбаев пен Асылжан Орынбасарова күміс жүлдегер атанды
<p style="text-align: justify;">Сауд Арабиясының бас шаһары Эр-Риядта өтіп жатқан Дүниежүзілік жауынгерлік өнер ойындарында қазақ самбошылары тағы 2 медаль жеңіп алды, деп хабарлайды <a href="/" target="_blank" rel="noopener noreferrer">Egemen.kz</a> Туризм және спорт министрлігіне қарасты Спортты дамыту дирекциясының баспасөз қызметіне сілтеме жасап.</p>
Еламан Қойшыбаев пен Асылжан Орынбасарова (65 кг) аралас командалық сында күміс жүлдегер атанды. Олар Азия мен Тынық мұхиты аймағынан жасақталған екінші құрама сапында күш сынасты. А.Орынбасарова Еуропа-1 құрамасындағы Ресей балуаны Яна Поляковадан жеңілсе, Е.Қойшыбаев Беларусь балуанынан жекелей сында кеткен есесін қайтарды. Жалпы есеп: 4-6.
Айта кетсек, V Бүкіләлемдік жауынгерлік өнер ойындарында самбодан сайыстар аяқталды. 7 балуан алып келген Қазақстан құрамасы жекелей сында 1 алтын, 1 күміс, 3 қола, ал миксте 2 күміс жүлдеге ие болды.