«Бұрынғы Әділет министрі М.Бекетаевтың ұсталғанын растаймыз. Күдікті соттың рұқсатымен қамауға алынды. Тергеу мүддесіне орай өзге ақпарат жарияланбайды», делінген ANTIKOR хабарламасында.
Айта кетсек, Марат Бекетаев «лауазым өкілетін асыра пайдалану» бойынша күдікке ілінді. Агенттік өкілдерінің айтуынша, ол талап етілмейтін қызметтерді көрсетуге жыл сайынғы келісімшарт жасау арқылы үлестес компанияның мүддесін қолдап, мемлекетке үлкен зиян келтірген.