Тұңғыш әлем чемпионы
<p style="text-align: justify;">Албания астанасы Тиранада өтіп жат­қан­ 23 жасқа дейінгі балуандар ара­сын­­дағы әлем чемпионатында жер­ле­­сі­міз Сұлтан Әсетұлы жеңімпаз атан­ды.</p>
Спортты дамыту дирекциясы баспасөз қызметінің мәліметі бойынша, грек-рим күресінен 67 кг салмақта өнер көрсететін отандасымыз әлем біріншілігінің финалында түркиялық Мұстафа Йылдырыммен белдесіп, аса тартысты өткен кездесуде Сұлтан қарсыласын 2-1 есебімен тізе бүктіріп, 23 жасқа дейінгі балуандардың əлем чемпионатында топ жарған алғашқы қазақ балуаны атанды.
Сұлтан Әсетұлы жаһандық доданың іріктеу сайыстарында алдымен украиналық Олег Халиловтан басым түсіп, кейіннен Стив Момилиа (Италия) мен Муслим Имадаевты (Ресей) жарыс жолынан ығыстырды. Жартылай финалда Әзербайжан балуаны Хасан Маммадлиді айқын басымдықпен тізе бүктіріп (9-0), финалға жолдама алды. Жарыстың кезекті күнінен кейін Албаниядағы әлем чемпионатында Қазақстан қоржынында 1 алтын, 1 күміс, 2 қола жүлде бар.