Жетісу облысында 94 сайлау учаскесі жұмыс істеп тұр
<p style="text-align: justify;">Жетісу облысына қарасты Кербұлақ және Сарқан аудандарында әкімдерді пилоттық режимде сайлау басталды, деп хабарлайды <a href="/" target="_blank" rel="noopener noreferrer">Egemen.kz</a> аталған облыс әкімдігінің баспасөз қызметіне сілтеме жасап. </p>
Жетісу облысы аумақтық сайлау комиссиясының мәліметінше аудан әкімдерінің сайлауы бойынша барлығы 94 сайлау учаскесі жұмыс істеп тұр, соның ішінде Кербұлақ ауданында – 60, Сарқан ауданында - 34. Екі аудандық аумақтық комиссиялардың 21 мүшесі, учаскелік сайлау комиссияларының 538 мүшесі сайлауға жұмылдырылған.
Екі аудандағы жалпы сайлаушылар саны 54 634 адамды құрап отыр, нақты атап айтқанда, Кербұлақ – 27 787 адам, Сарқан – 26 847 адам.
Еске салайық, мұндай сайлау елімізде алғаш рет өтіп отыр. Бүгін сайлау еліміздің 3 қаласы мен 42 ауданында жүріп жатыр.