Үш күн хабар-ошарсыз кеткен жасөспірім қыз табылды

<p style="text-align: justify;">Семей полицейлері 2 қараша күні сағат 08:30-да колледжге сабаққа кетіп, одан кейін оралмаған 15 жастағы Валерия Ефанованы тапты, деп хабарлайды <a href="https://egemen.kz/">Egemen.kz</a> Polisia.kz-ке сілтеме жасап. </p>

Туыстары полицияға оның жоғалып кеткенін 4 қарашада ғана хабарлаған. Полициямен және жоғалған жасөспірімнің туыстары түні бойы қаланы тексеріп іздеген. Тек сағат 12:00-ге қарай полицейлер қызды тапты.

Қызбен және оның заңды өкілімен психологтардың қатысуымен профилактикалық әңгіме жүргізіліп жатыр.

Оның мінез-құлқы Семей қаласы әкімдігі жанындағы кәмелетке толмағандар істері жөніндегі комиссияда қаралады.