Діни сауатын арттырды
<p style="text-align: justify;">Кейінгі кезде дәстүрлі емес діни ағымдардың белең алуы қоғамды алаңдататын өзекті мәселеге айналды. Осы орайда, қоғамдағы тұрақтылықты қамтамасыз ету мақсатында қолға алынған шаралардың дені қоғамда діни сауаттылықты арттыруға бағытталып отыр.</p>
Алматы қаласы Дін істер жөніндегі басқармасының қолдауымен, «Адам және қоғам» қоғамдық ұйымының ұйымдастыруымен мемлекеттік органдарының қызметкерлеріне діни экстремизм мен терроризмнің алдын алу бойынша дін, заңнама, нормативтік-құқықтық актілер және мемлекеттік бағдарламалар саласындағы біліктілік пен білім деңгейлерін арттыру мақсатында «Діни экстремизм мен терроризмнің алдын алу» тақырыбында семинар өтті.
Екі күндік семинар барысында Нұр-Мүбарак Египет ислам мәдениеті университетінің оқытушысы, теолог Салтан Сәкен «Ғаламтор кеңістігінде жүргізілетін күмәнді діни насихаттық жұмыстар мәселесі және олармен күресудің жолдары», философия ғылымдарының кандидаты, Әл-Фараби атындағы ҚазҰУ-дың аға оқытушысы Жанна Қаңтарбаева «Қазақстандағы неоисламдық ағымдар: ерекшеліктері мен дінді тарату әдістері» тақырыптарында талдау жасады. Сонымен қатар оқу бағдарламасы аясында Президент жанындағы Мемлекеттік басқару академиясының профессоры Мәншүк Құсайынова, Нұр-Мүбарак Египет ислам мәдениеті университеті, Діни экстремизмге қарсы іс-қимыл орталығының директоры Тимур Нүсіпханұлы тренинг өткізіп, тәжірибелерімен бөлісті.
Семинар соңында қатысушыларға арнайы сертификаттар берілді.
АЛМАТЫ