Табиғатты ғалымдар қамқорлығына алды

Қала агломерациясының ұлғаюы, көлік санының артуы,­ инфра­құры­лым­ ауқымының артуы, құрылыстың қарқын алуы жасыл-желекті алқаптардың азаюына әкеп соғып жатыр. Салдарынан экологиялық әл-ауқаты мәселесі бірінші орынға шығып отыр. Қоршаған орта­ның ластануы эстетикалық ғана емес, сонымен қатар санитарлық-гигиеналық ахуалға кері әсерін тигізеді.

Осы орайда қала басшылығы жасыл-же­лекті күтіп-баптаудың ғылыми зерт­теу­ бағыттарына көңіл бөле отырып, Қа­зақ ұлттық аграрлық зерттеу уни­вер­си­­­тетімен меморандумға қол қойды. Бұл ынтымақтастық қаладағы бақтар мен­­ орманды алқаптарды жетілдіруге ба­ғыт­­­талған. Әкімдік орман питомнигін құру жобасы аясында жыл сайын 300 мың­­­нан аса көшет отырғызуды жос­пар­­­лап отыр. Ендігі кезекте универси­тет ға­лым­дары орманды алқаптарда ғы­лы­м­­и­ зерттеу жұмыстарын жүргізетін болады.

Қазақ ұлттық зерттеу университетінің басқарма төрағасы-ректор, Ұлттық ғы­лым­ академиясының вице-президенті Ақыл­бек Күрішбаевтың айтуынша,­ қала­да­ғы ағаштарды есепке алу, қа­да­ғалау, ор­­ман питомнигін құру, «Медеу» табиғи пар­­кін басқару жоспарын әзірлеу және «Баум тоғайының» ландшафттарының эсте­тикалық тартым­ды­лығын арттыру бағыт­тарында ғалым­дар қалалық әкімдік маман­дарымен бір­лесіп жұмыс істейтін болады.

Алматы қаласының әкімі Ерболат Досаев ғалымдар бастамасына қолдау біл­діре келіп, «Медеу» табиғи паркін бас­қарудың бесжылдық жоспары аясында ғылыми, туристік-рекреациялық және эко­ло­гиялық-ағарту қызметін жүйелеу жұ­мыс­тарының көзделіп отырғанын жет­кізді.

Алматы қаласында орналасқан «Баум тоғайы» мемлекет қорғауындағы таби­ғи­ орман кешені әрі ғылыми-таным­дық және өлкетану туризмін дамыту әлеуетіне ие. Мұнда ағаштардың 49 түрі бар. Оның 7 түрі қылқан жапы­рақ­­тыларға жатады. Жапырақты түр­лер­дің 8 түрі жұмсақ, 16-сы қатты жапы­рақ­тыларға, 18-і жемісті және сәндік ағаш тұқымдастарына жатады. Жоғары шөп­те­сін өсімдіктер шамамен 118 түрді құ­рай­ды. Ландшафттардың эстетикалық тар­тым­дылығын арттыру мақсатында «Баум тоғайы» ерекше қамқорлыққа алынады.

ҚазҰАЗУ ғалымдарының «Баум то­ғайын» қайта құру және «Медеу» та­биғи паркін басқарудың тиімділігін арт­­тыру жөнін­дегі әзірленген бағ­дар­ла­ма­­сы – ауқым­ды жоба. Су, жер және орман­ ресурс­тары факультетінің деканы, қа­­уым­­­­­дас­тырылған профессор Талғат Кер­­те­­­шевтің айтуынша, көгалдандыру іс-шара­­ларының тиімділігін арттыру, ағаш түрлерін таңдау, отырғызу, күтім мен­ қайта қалпына келтіру, қурап қалған не­­ме­се зақымдалған жасыл-желектерді зиян­­­кес­терден қорғау да осы жобаның ая­­сын­да жүзеге асады. Екі жылда жүзе­ге­ аса­тын жобаға университеттің Ор­ман ре­сурс­­тары кафедрасының ғалым-оқы­ту­­­шы­лары мен студенттері атсалысады.

Мамандар атап өткендей, көгал­дан­дыру жұмыстары ағаш отырғызумен ғана шектелмейді. Көшеттерді баптау,­ ағаштардың жай-күйін зерттеу, сарап­тауға қатысты нақты мәліметтер мен эко­ло­гиялық жай-күйі ғалымдар зерт­теу­ле­рі­нің нәтижесіне сәйкес анықталмақ.

АЛМАТЫ