Екі ойын қалды
<p style="text-align: justify;">Қазақстан құрамасы футзалдан 2024 жылы Өзбекстанда жалауы жел­бірей­тін әлем чемпионатының іріктеу турнирінің соңғы кезде­су­лерін қай жерде өткізетіні белгілі болды.</p>
Жерлестеріміз элиталық кезеңдегі алғашқы төрт кездесуінің барлығында жеңіске жетті. Атап айтсақ, сыртта Нидерланд (2:0) пен Әзербайжанды (4:2), өз алаңымызда Румыния (4:3) мен Әзербайжанды (3:2) ұттық. Алда енді екі матч қалды. 14 желтоқсанда Астанада Қызғалдақтар елі өкілдерін қабылдаймыз. Арада тура бір апта өткеннен соң Бухарестке сапар шегіп, Валентин Стэнеску атындағы «Рапид» спорт кешенінде румындарға қарсы ойнаймыз.
Естеріңізге сала кетейік, осының алдындағы әлем чемпионаты 2021 жылы Литвада өтті. Балтық жағалауында бас жүлдені Португалия құрамасы олжалады. Пиреней түбегінің түлектері финалда Аргентинадан 2:1 есебімен айласын асырды. Қола медальді Бразилия иеленді. Үшінші орын үшін тартыста олар Қазақстанды 4:2 есебімен қапы қалдырды.