Гандболдан әлем чемпионаты: Ел құрамасы қарсыластарымен қашан кездеседі?
<p style="text-align: justify;">Қарашаның 29-ы – желтоқсанның 7-сі күндері аралығында Дания, Норвегия, Швеция елдерінде өтетін гандболдан әлем чемпионатына Қазақстан қыздар құрамасы қатысады, деп жазады <a href="/" target="_blank" rel="noopener noreferrer">Egemen.kz</a>. </p>
Дүбірлі додаға қатысатын 32 құрама төрт-төрттен сегіз топқа бөлінген. «G» тобында сыналатын Қазақстан гандболшыларының қарсыластары – Бразилия, Испания, Украина.
Алғашқы ойында ел құрамасы 29 қарашада Испаниямен текетірессе, 1 желтоқсанда Бразилиямен шеберлік байқасады, ал 3 желтоқсанда Украинаға қарсы ойнайды.
Байрақты бәсеке «Qazsport» телеарнасынан тікелей эфирде көрсетіледі.
Айта кетсек, әлем чемпионатына жетінші мәрте қатысып отырған Қазақстан гандболшыларының ең биік көрсеткіші, әзірге 2007 жылғы 18-орын.