Тәуелсіздік мерекесінде елімізде ауа райы қандай болады?
<p style="text-align: justify;">Еліміздің ең маңызды мерекесінде ел бойынша ауа райы қандай болады? Бұл туралы <a href="/" target="_blank" rel="noopener noreferrer">Egemen.kz</a> «gismeteo.kz» сайтына сілтеме жасап хабарлайды. </p>
Болжам бойынша, ел ордасы Астанада 16 желтоқсан күні бұлтты, жауын-шашынсыз ауа райы күтіледі. Ауа температурасы күндіз -6, түнде -13 градусқа дейін төмендейді. 17 желтоқсан күні қар жауып, ауа райы бұлтты болады, күндіз -4, түнде -8 градус суық болады. 18 желтоқсанда елордада қар мен жауын жауып, ауа температурасы -2-8 градус төмен болады.
Алматыда 16 желтоқсан күні бұлтты және қар аралас жаңбыр жауады деп күтіледі. Ауа температурасы күндіз 1 градус жылы, түнде -7 градусқа дейін төмендейді. 17 желтоқсан күні күндіз 3 градус жылы, түнде -4 градус суық болады, ауа райы бұлтты, жаңбырлы болады деп болжанады. 18 желтоқсан күні 3 градус жылы ауа райы сақталады, ал түнде -градус суық болады, ауа райы бұлтты және жаңбырлы болады.
Шымкент қаласында демалыс күндері күндіз жылы ауа райы сақталады, ал түнде -4 градус суық болады. Бұл күндері Шымкентте ауа райы бұлтты және жаңбырлы болады, қар жауу ықтималдылығы да бар.