«Назарбаев зияткерлік мектептерінде» оқу гранты қымбаттайды
<p style="text-align: justify;">«Ашық НҚА» порталында «Назарбаев Зияткерлік мектептері» дербес білім беру ұйымында дарынды балалардың оқуына ақы төлеуге арналған Президенттің «Өркен» білім беру грантын тағайындау қағидалары мен мөлшерлерін бекіту туралы» Оқу-ағарту ведомствосының бұйрығына өзгеріс енгізуді көздейтін бұйрық жобасы жарияланды, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Гранттың мөлшерлері:
1) жатақханада тұруды есептемегенде, күнтізбелік жылға 2 349 191 (екі миллион үш жүз қырық тоғыз мың жүз тоқсан бір) теңге;
2) жатақханада тұруды есептегенде, күнтізбелік жылға 3 247 305 (үш миллион екі жүз қырық жеті мың үш жүз бес) теңгені құрайды», делінген аталған бұйрық жобасында.
Ал қолданыстағы бұйрық жобасында жатақханада тұру ақысын есептемегендегі жылдық грант құны 2 150 208 теңге, жатақханада тұру бағасын қосқандағы жылдық грант құны 3 036 859 теңге болған.
Бұйрық жобасы 29 қаңтарға дейін қоғамдық талқылауда болады.