Синоптиктер алдағы үш күнге арналған ауа райы болжамын ұсынды
<p style="text-align: justify;">Синоптиктер ұсынған болжамға сәйкес, еліміздің басым бөлігінде жауын-шашын болады және оңтүстігінде күн суытады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Қазақстанның басым бөлігі оңтүстік циклон мен атмосфералық фронттардың ықпалында болады, соның әсерінен қатты жауын-шашын күтіледі, солтүстік өңірлерде қар, ал оңтүстік өңірлерде ылғалды қар аралас жаңбыр жауады, боран мен жел күшейеді.
Оңтүстіктің таулы аймақтарында қалың қар, көктайғақ, тұман күтіледі. Республиканың батыс жартысында ғана Батыс антициклоны басым болуы себебінен ашық, аязды ауа-райы сақталады.
Елдің басым бөлігінде температуралық фонда елеулі өзгерістер болжанбаған. Оңтүстік өңірлерде ауа температурасы түнде 8-13-ке дейін, таулы аудандарда 18-23 аяз, күндіз 2-7-ге дейін, таулы аудандарда 10-15-ке дейін аяз төмендейді.