Армениямен айқасамыз
<p style="text-align: justify;">Қазақстан мен Армения ұлттық құ­ра­малары 7 маусымда Еревандағы Ваз­ген Саркисян атындағы стадионда жол­дас­тық кездесу өткізуді жоспарлап отыр.</p>
Бұл ақпаратты еліміздің футбол федерациясы таратты. Армения құрамасы ФИФА рейтингінде жерлестерімізден жеті саты жоғары тұр. Яғни олар – 93-орында. Қазақстан – 100-орында. Олардың бағындырған пәлендей белестері жоқ. Десек те аталған команданың сапында Еуропа мен Азияның ортаңқол клубтарында өнер көрсетіп жүрген бірнеше жақсы ойыншы бар. Бұл елдің басты жұлдызы кезінде Донецкінің «Шахтер», Дортмундтың «Боруссия», Англияның «Манчестер Юнайтед» пен «Арсенал» және Италияның «Ромасында» шеберлігін шыңдап, бұл күндері Миланның «Интер» клубының намысын қорғап жүрген Генрих Мхитарян осыдан екі жыл бұрын ұлттық құрамадағы карьерасын аяқтағанын ресми түрде жария етті.
Осы командалар өзара жеті мәрте кездесіп, соның төртеуінде армениялықтардың асығы алшысынан түсті. Қазақстан екі рет жеңіс тойын тойлады. Тағы бір матч тең аяқталды.