Үкімет Аппараты басшысының бірінші орынбасары тағайындалды
<p style="text-align: justify;">Премьер-министрдің қаулысымен Асқар Серікжанұлы Жәкенов Үкімет Аппараты басшысының бірінші орынбасары болып тағайындалды, деп хабарлайды <a href="/" target="_blank" rel="noopener noreferrer">Egemen.kz</a> Үкіметтің баспасөз қызметіне сілтеме жасап.</p>
Асқар Жәкенов 1975 жылы Қарағанды қаласында дүниеге келген. Қарағанды мемлекеттік техникалық университетін және «Қайнар» университетін тәмамдаған.
1998-1999 жылдары – «Каргормаш-ИТЭКС» ЖТАҚ-ында сыртқы экономикалық байланыстар, кеден және банк ісі бойынша жетекші маман, заң кеңесшісі.
1999-2002 жылдары – Әділет министрлігінде жетекші маман, бас маман, бөлім басшысы. 2002-2003 жылдары – осы министрлікте басқарма басшысының орынбасары. 2003-2004 жылдары – аталған ведомствода басқарма басшысы.
2004-2012 жылдары – Премьер-министр Кеңсесінің заң бөлімі меңгерушісінің орынбасары.
2012-2013 жылдары – Премьер-министр Кеңсесінің заңнама, қорғаныс және құқықтық тәртіп бөлімі меңгерушісінің орынбасары, Премьер-министр Кеңсесінің заң бөлімі меңгерушісінің орынбасары.
2013-2019 жылдары – Премьер-министр Кеңсесінің бақылау және құжаттамалық қамтамасыз ету бөлімінің меңгерушісі.
2019-2023 жылдары – Премьер-министр Кеңсесі басшысының орынбасары, Үкімет Аппараты басшысының орынбасары.
2023-2024 жылдары – Президент Әкімшілігінің басшысы хатшылығының меңгерушісі.
2024 жылдың ақпанында Үкімет Аппараты басшысының бірінші орынбасары болып тағайындалды.