«Әлі де аяз қысады». Вице-министр үндеу жасады
<p style="text-align: justify;">Ауа райының нашарлауына байланысты республикалық маңызы бар жолдарда енгізілген шектеулерге орай Көлік вице-министрі Сәтжан Аблалиев үндеу жариялады, деп жазады <a href="/" target="_blank" rel="noopener noreferrer">Egemen.kz</a> ведомствоның баспасөз қызметіне сілтеме жасап.</p>
16 ақпан күні таңғы сағат 7-дегі жағдай бойынша еліміздің 16 өңіріндегі автожолдардың 100 учаскесінде шектеу шаралары енгізілген еді.
«Ауа температурасының –350 С дейін төмендеуіне байланысты 80 учаскеде дизельді автокөлік құралдарының қатып қалуын болдырмау үшін тиісті шектеулер енгізілді. Сонымен бірге қалған 20 учаскеде шектеу шараларын енгізудің басты себебі – көршілес өңірлердегі ауа-райы, боран және қар көшкіні қаупі болды. Қолайсыз ауа райына байланысты отандастарды арнайы қызметтерден келетін хабарламаларға назар аударып, мұқият болуға шақырамыз.
Синоптиктердің болжамы бойынша жақын күндері температураның –35, –400С-ке дейін төмендеуі күтілуде. Республикалық маңызы бар жолдарда енгізілген шектеулер әлі де сақталады», деді вице-министр.
Кешкі сағат 17:00-дегі жағдай бойынша республикалық жолдардағы 28 учаскеде шектеу шаралары сақталған. Жолдардағы жұмысқа 700-ге жуық техника мен 1500-ден астам адам тартылған.
Сәтжан Аблалиев мамандар ауа райының қолайсыздығына қарамастан күшейтілген режимде жұмыс істеп жатқанын айтты.