Аяз қайтып, күн жылына ма? Синоптиктер ауа райы болжамын ұсынды
<p style="text-align: justify;">«Қазгидромет» синоптиктері 20-22 ақпанға арналған ауа райы болжамын ұсынды, деп хабарлайды <a href="/" target="_blank" rel="noopener noreferrer">Egemen.kz</a>.</p>
Мамандардың айтуынша, арктикалық антициклон Қазақстанның солтүстігінде, шығысында, оңтүстік-шығысында және орталығында аязды ауа райын ұстап тұр. Алайда оңтүстік циклонға байланысты еліміздің батысында, солтүстік-батысында, оңтүстігінде және оңтүстік-шығысында қар жауып, бұрқасын болады деп болжанып отыр. Сондай-ақ таулы аймақтарда қалың қар жауады, ал елдің оңтүстік-шығысында аяздың беті қайтады.
Бұл ретте ауа температурасы батыста – түнде 10-25 градус, күндіз 5-15 градус аязға дейін, республиканың солтүстік және орталық аймақтарында ауа температурасы түнде 28-38, күндіз 15-23 аяз, шығыс өңірлерде түнде 32-45, күндіз 20-32 аяз, республиканың оңтүстік-шығысында температура түнде 15-25, күндіз 0-13 аязға дейін біртіндеп көтеріледі.