Түрлі кәсіпке баулитын курс
<p style="text-align: justify;">Жыл басынан бері 11,2 мың азамат «Skills Enbek» кәсіптік оқыту платформасында онлайн-курстардан өткені туралы сертификат алды. Олардың ішінде 5,7 мыңға жуық адам – жұмыссыз. Бұл туралы Еңбек және халықты әлеуметтік қорғау министрлігінің баспасөз қызметі хабарлады.</p>
Платформада барлығы 368 мың азамат болса, оның 12,5 мыңы 2024 жылы тіркелді. Биыл оқудан өткен 5,7 мың жұмыссыз азаматтың 1,7 мыңға жуығы – негізінен Түркістан, Жамбыл, Қостанай облыстары мен Шымкент қаласының жастары.
Платформа іске қосылғаннан бастап авторлар әртүрлі бағыт бойынша 475 курс жариялады. Оның 241-і – тегін. Сондай-ақ одан әрі оқу үшін білім беру алаңдарына ауысу мүмкіндігімен «Courstore» және «Fluent Education» серіктестерінің курстары бар. Курстардың ұзақтығы 1-ден 72 сағатқа дейін.
Қаңтар айындағы ең көп сұранысқа ие курстар – «Жүріп-тұруы қиын адамдарды алып жүруге арналған жеке көмекшінің кәсіби курсы», «Экологиялық қауіпсіздік негіздері», «Сатушы», «Қаржылық сауаттылық», «Мектеп жасына дейінгі балалармен жұмыс».
Платформада тұру және тамақтану, құрылыс және ТКШ, әлеуметтік қызмет көрсету, қаржы және бухгалтерлік есеп, ақпараттық технологиялар және т.б. салалардағы түрлі мамандық бойынша тегін курстар саны үнемі артып келеді.
Былтырғы желтоқсан айынан бастап курстарды «Enbek» мобильді қосымшасы арқылы оқуға болады. Қосымшаны Google Play және App Store-дан жүктеуге болатынын естеріңізге саламыз.