Жангелдин ауданының тұрғындары үйлеріне оралып жатыр
<p style="text-align: justify;"><span class="s6"><span class="bumpedFont15">Торғай өңіріндегі жойқын су тасқынынан </span></span><span class="s6"><span class="bumpedFont15">зардап шеккен </span></span><span class="s6"><span class="bumpedFont15">елді мекендердің</span></span><span class="s6"><span class="bumpedFont15"> тұрғындары </span></span><span class="s6"><span class="bumpedFont15">үйлеріне орал</span></span><span class="s6"><span class="bumpedFont15">ып жатыр.</span></span></p>
Торғайдағы эвакуация пункттерінде жатқан Тәуіш, Көлқамыс, Аралбай елді мекендерінің тұрғындары ауылдарына тікұшақпен жеткізілді. Тентексай ауылының төрт отбасы Жаркөл ауылында. Жергілікті әкімдік оларға баспана беріп, тұрмысқа қажетті заттармен қамтамасыз еткен.
Торғай ауылындағы эвакуациялық пункттердегі барлығы 600-ден астам адам ауылдарына оралып, эвакуациялық орталықтар жабылған. Жергілікті билік аталған ауылдардың тұрғындарының тұрмысына қажет азық-түлік, киім-кешекті тікұшақпен жеткізіп берді. Мұндай көмек көлік қатынасы үзілген елді мекендерге жол қалпына келгенше тұрақты түрде көрсетілетін болады.
Сондай-ақ өңірде су тасқыны салдарынан келген шығынды есептеу, бағалау комиссиясы жұмыс істеп жатыр. Аталған комиссияға Жангелдин ауданы бойынша бүгінге дейін 58 өтініш келіп түскен. Мұның сыртында, тұрғындарға 50 АЕК көлемінде әлеуметтік өтемақы төленді. 8 сәуірдегі мәлімет бойынша 32 тұрғынға 5,9 млн теңге әлеуметтік көмек берілген.
Комиссия жұмысын жалғастырады.
Қостанай облысы