Мамыр ауылының тұрғындары қауіпсіз жерге көшірілді
<p style="text-align: justify;">Торғай өзеніндегі су деңгейінің көтерілуіне байланысты Ырғыз ауданы Мамыр ауылдық округінің тұрғындарын Қорғаныс министрлігіне қарасты Т. Бигелдинов атындағы Әуе күштері институтының ұшқыштары эвакуациялады. Қазір Ырғыз ауданы орталығына Мамыр ауылынан 33 адам жеткізілді, онң 24-і бала, деп хабарлайды <a href="/" target="_blank" rel="noopener noreferrer">Egemen.kz</a> Ақтөбе облыстық ТЖД баспасөз қызметіне сілтеме жасай отырып.</p>
Су тасқынына байланысты эвакуацияланған тұрғындар үшін Ырғыз елді мекеніндегі Ы.Алтынсарин атындағы орта мектеп, №1 және №2 мектеп ғимараттары және аудандағы спорт кешенінде орындар дайындалды.
Мамыр – Ырғыз ауданының ең шеткі ауылдарының бірі, мұнда 200-ге жуық адам тұрады. Торғай өзені бүгін түстен кейін арнасынан асып, ауылға кіре бастаған.
Ақтөбе облысы