Биыл өрік гүлдемеді: Алматылықтар алаңдаулы
<p style="text-align: justify;"><span class="selectable-text copyable-text">Биыл Алматыда жергілікті «сакура» - өрік гүлдемеген. Қазір сәуір айы жартысынан ауса да, қала тұрғындары жайнап, жайқалған жеміс ағаштарын әлі байқамаған, деп жазады <a href="/" target="_blank" rel="noopener noreferrer">Egemen.kz</a>. </span></p>
Дендрологиялық зертхананың аға ғылыми қызметкері Светлана Нәбиева tengrinews.kz интернет ресурсына берген сұхбатында табиғи ақаудың себебін үсік шалумен байланыстырды.
«Өріктер қазір гүлдемейді, өйткені үсік шалды. Алматыда температура ауытқып тұрды. Бірде күн жылынып, артынша қар жауды. Сосын қайтадан температура нөлден жоғарылай бастады. Көптеген өсімдік мезгілге бейімделгендіктен, тұрақсыз ауа райына өте сезімтал келеді. Мүмкін, кейбір жерлерде бірен-саран гүлдейді, бірақ биыл жаппай гүлдеп тұрған өрік ағашын көрмейсіз», деп түсіндірді дендролог.