Ақтауда мүгедектігі бар адамдарды қайыр сұрауға мәжбүрлеген
<div class="description" style="text-align: justify;">Маңғыстау облысы прокуратурасы мүгедектігі бар адамдарды қайыр сұрауға мәжбүрлеп, оларды заңсыз ұстау фактісін анықтады, деп хабарлайды <a href="/" target="_blank" rel="noopener noreferrer">Egemen.kz</a>.</div>
Ведомствоның хабарлауынша, заңсыз әрекет «Кедергісіз қала» пилоттық жобасын іске асыру барысында анықталған.
«Аталған заңсыз әрекеттердің жолын кесу мақсатында облыс прокуратурасының үйлестіруімен Ұйымдасқан қылмысқа қарсы күрес басқармасы бірқатар жедел-іздестіру іс-шараларын жүргізді. Нәтижесінде 22 сәуірде Ақтау қаласының аумағында құқық бұзушылық жасаған бірнеше азамат ұсталды», деп хабарлады облыстық прокуратура өкілдері.
Полиция департаменті аталған факті бойынша ҚР Қылмыстық кодексінің 128-бабының 2-бөлігі 1, 6-тармақтарына сәйкес сотқа дейінгі тергеп-тексеру амалдарын бастады.
Өзге ақпарат жариялануға жатпайды.