Оралдық оқушылар Аралда оқиды
<p style="text-align: justify;">Арал аудандық білім бө­лімі мамандары Қа­­за­­лыдағы те­міржол бекетінен Батыс Қазақстан облы­­сынан келген 103 баланы қар­сы алып, «Қамбаш» балаларды са­уық­­тыру орталығына орналастырды.</p>
Аудандық білім бөлімінің басшысы Санира Жанназарованың айтуынша, су тасқынынан зардап шеккен өңірден келген 5-9 сынып оқушылары 10 күн бойы орталықта білім алып, демалады. Оларды ауданның тарихи мәдени орындарымен таныстыру да жоспарланып отыр. Оқушыларды 10 жетекші, 1 медбике бастап келіпті.
«Бұл Оқу-ағарту министрлігінің жобасы аясында жүзеге асып, жергілікті кәсіпкерлер демеушілік танытып отыр. Балалар үшін барлық жағдай жасалды. Күніне 5 мезгіл тамақтанады. Он күнде оқумен қатар олардың бос уақытында түрлі спорттық, шығармашылық іс-шаралар ұйымдастырылады», дейді білім бөлімінің басшысы.
Сауықтыру орталығы оқушыларға бірден ұнапты. Оларға аудан мектептерінен арнайы дайындалған мұғалімдер сабақ береді. Ал бағаны «күнделік.кз» платформасына балалармен бірге келген жетекшілері қояды.
Қызылорда